Eit uvanleg og flott atlas, spekka med mykje meir og variert kunnskap enn dei vanlege, passande for barnetrinnet og gjerne ungdomstrinnet med! For kvart kontinet har det eit landskapskart, eit utbrettkart som viser landa, ei side som viser dyrelivet og eit stort bilete frå folkelivet. Så følgjer fleire sider med bilete og tekst frå dei ulike landa på kontinentet, med byar og kjende stader og fenomen. Før neste kontinent bretter seg ut, med same slags presentasjon. Innlagt i boka følgjer ein stor plakat med verdskartet, som òg kan by på ei mengd artig tilleggsinformasjon.
