Ny utgåve av ein moderne klassikar og kultroman

Illustratør og kunstnar Lars Fiske har designa omslaget til denne utgåva som Samlaget gir ut i samband med at Hovland er festspeldiktar til dei litterære festspela i Bergen 22-24 mai 2008.

I Sveve over vatna skriv Hovland om ungdommens lengsel og brunst, puling, uløyseleg kjærleikssorg, festar på dei gråaste hyblane i byen, langpils, politiske kranglar, fyll, tungsinn, ablegøyer og bakrus. Hovudpersonen slentrar tafatt inn i dei mest absurde og underhaldande bakevjer. Han møter den legendariske fylliken, musikaren og kommunisten Dr. Munk, ein person som aldri har skitpreiket og bannskapen langt unna.