Olaug Nilssens spreke og utradisjonelle debutroman frå 1998

I denne langt frå tradisjonelle romanen møter vi bl.a Griseline frå Fabuland og Guru frå Legoland, to svært ulike figurar. Russetid og studieliv i Bergen utgjer rammehistoria. Her er til dels groteske skildringar av eg-personens problematiske forhold til mat, menneskas angst for kvarandre, og forakta for dei svake.

Jenteerfaringar blir formidla på ein særeigen, men likevel sterkt gjenkjenneleg måte. Og sjølv om mykje eigentleg er trist og her er lite håp om endring til det betre, er dette ei bok full av galskap og humor, skriven av ein uvanleg sprek og sjarmerande debutant.