Gertrude Stein (1874-1946) blir ofte nemnt saman med Hemingway, Pound, Joyce, Eliot og andre fornyarar av litteraturen etter fyrste verdskrigen. "Ida" er "kubistisk prosa", seier Per Olav Kaldestad i føreordet. Vi får bretta ut Ida sitt liv i sine ulike aspekt liksom i eitt andedrag, som om alt skjer samtidig. Boka er ei blanding av anekdotar, essayistiske innslag, poesi og sentensar, innfall og utfall, skriven av ein forfattar som prøvde seg i ei lang rekkje sjangrar. Slik blir lesinga ei stadig overrasking, og svært ofte stimulerande. Omsetjing frå engelsk ved Grethe Fatima Syed.