Når livet sklir ubønnhøyrleg ut, kva gjer ein då? Når kjærleiksmøtet går i vasken på grunn av ein mobiltelefon, eller den siste ultralyden ikkje viser teikn til liv? Når ein for siste gong i livet skal møte den ein har elska mest, eller når pappas tjuvlånte Jaguar møter villsvin nattestid.

Menneska i Eg vil at nokon skal vente på meg er skildra med varme og slåande realisme, og dei humoristiske og alvorlege historiene dyrkar fram ei intim interesse for alle dei som rotar livet sitt til.

Anna Gavalda (f. 1970) kom inn i det franske litterære landskapet som ein frisk pust då ho debuterte med denne boka i 1999. Gavalda har skrive både noveller og romanar, og bøkene hennar er blitt omsette til 36 språk. Ragnar Hovland står for omsetjinga av denne boka.