Ørsmå gleder minner deg på å nyte livet: forventninga i ein kinosal før filmen begynner, smaken av den første slurken øl, lyden av dynamoen syklande i mørket ein lun haustkveld, duften av ferskt bakverk. Philippe Delerm viser oss at livet finst i augneblinken, og i minna om sanseopplevingar vi hadde som barn. Ørsmå gleder er ei bok som let oss oppdage på nytt det vi kanskje hadde gløymt - alle dei tinga som gjer livet godt å leve.

Den første slurken med øl begynner lenge før svelget. Allereie på leppene, dette skummande gullet, ei friskheit forsterka gjennom skummet, og deretter langsamt mot ganen, ei lykke silt gjennom beiskheit. Så lang den verkar, den første slurken! Ein drikk den straks, med ei falskt instinktiv grådigheit. Når sant skal seiast er alt saman gitt på førehand: mengda, dette akkurat passelege som utgjer det ideelle agnet; det øyeblikkelege velværet som blir understreka med eit sukk, ei smatting, eller ei stille som er på høgde med dei begge; den svikefulle kjensla av ei nyting som opnar seg mot det uendelege? Samtidig veit ein det alt. Det beste er forbi.