Den vesle tigeren har kjærleikssorg på grunn av Maya Papaya. Men den vesle bjørnen veit råd mot slikt: Det er eplemos som skal til!. Og så får vi oppskrift på eplemos, og utover i boka kjem det fleire oppskrifter: På kokte poteter, salat, kvitlauks-bjørnesuppe, risengrynsgraut og bekkeaure med mandelkjernesaus. I høgste grad tilrådd for tiger- og bjørnemødrer. Og for små tigrar, slik at dei kan prøve å finne seg ei sorg.

Vi blir med tigeren og bjørnen ut i verda og lærer å telje frå ein til over tretti.

Den vesle tigeren seier: "Eg har no fødselsdag ein av dagane, bjørn". Altså må dei halde stort selskap. Og alle må komme. Men det er litt av ein kunst å lage til eit slikt flott selskap, for det må bli ugløymande. Gunder Kasse-frosk viser oss korleis det kan gjerast. For vi lærer ikkje berre for livet - men også for neste selskap. Og det skjer her og no med denne framifrå forteljinga. Og sidan kvar og ein av oss faktisk har fødselsdag ein dag, er det godt å vite korleis eit slikt selskap skal vere.

Inneheld tre forteljingar av Janosch: Til Panama, til Panama er forteljinga om da den vesle tigeren og den vesle bjørnen reiste til Panama. I Kom, la oss finne ein skatt kan du lese om da den vesle tigeren og den vesle bjørnen leitte etter den største lykka på jord. Les også om korleis den vesle bjørnen og den vesle tigeren fann opp både brevposten, luftposten og telefonen i Tigerpost. Illustrert.

Forteljingar om den vesle tigeren og den vesle bjørnen.