Til 200-års minnet om Robert Burns (1759-96), ein av Skottlands største diktarar. Motiva til versa henta han frå det skotske landsbymiljøet han sjølv hadde røtene i. Med humor og kjenslevar innleving skildrar han menneske og natur i rytmar og tonar som minner om folkevisa. Boka innheld vel 60 dikt og songar, i ei litterært skolert form som er hans heilt personlege. Gjendiktaren Johannes Gjerdåker har skrive eit langt og perspektivrikt forord.