Grunnbok i vitskapleg tenkjemåte og metode. På ein tilgjengeleg måte klargjer forfattaren forskingsmetodiske og forskingsetiske spørsmål, eksemplifiserer forskingsopplegg, føresetnader og feilgrep, og tilhøvet mellom forsking, læring og kompetanseutvikling. Hovudvekta er lagd på empirisk metode med både kvantitative og kvalitative tilnærmingar. Historisk metode, etikk og vitskapsteori har og fått stor plass. Boka inneheld tre store kapittel om pedagogisk statistikk med vekt på prinsipp og teknikkar, utan matematiske detaljar. Forfattaren gir eit forskingshistorisk oversyn og vurderer forsking i eit samfunnsmessig kritisk lys. Denne nye utgåva er oppdatert, både språkleg, fagleg og metodisk.Boka passar for lærarutdanning, studium i pedagogikk og spesialpedagogikk, samfunnsvitskap og helse- og sosialfag.

Vilkåra for allsidig læring og utvikling mot eit innhaldsrikt liv er hovudtemaet for sosialpedagogikken og for denne boka. Sosialpedagogikken har lojalitet med eleven (barnet eller den unge). Edvard Befring går i denne boka gjennom oppvekst i den norske velferdsstaten på brei basis. Boka gir ei heilskapleg og lett tilgjengeleg framstilling der hovudvekta ligg på idegrunnlag, teoriar, forsking og praksis når det gjeld oppvekst, omsorg og opplæring. Læringsprosessen blir sett inn i den totale sosiale konteksten. Boka vender seg til studentar i pedagogikk og spesialpedagogikk, lærar- og førskolelærarstudentar og studentar i helse- og sosialfag. Ho vil og vere aktuell for lærarar og andre som arbeider med barn og ungdom.