I 1999 vart Arthur Arntzen kåra av fleire ”folkejuryar” til landets fremste humorist i det 20. hundreåret.

Det er blitt mindre plass for den varme, livsfriske og forløysande humoren i vårt moderne, jagande samfunn - både i folks daglegliv, innanfor helsevesenet, i idretten og i arbeidslivet. Sterkt fokus på effektivitet og materielle verdiar tek frå oss gleda både ved liv og arbeid.

Med åtte bøker, tallause radio- og fjernsynsprogram og sceneframsyningar, fleire videoar og eit teaterstykke har Arthur Arntzen gjort Oluf i Rallkattlia til folkeeige. Då forfattaren og scenekunstnaren for to år sidan "gravla" Oluf for godt, utløyste det ein proteststorm, ikkje berre i Nord-Noreg, men over heile landet. Med Oluf for evig har denne fantastiske figuren fått eit verdig minnesmerke. Forfattaren Arvid Hanssen har plukka ut og sett saman Olufs aller beste, og sjølv skrive eit langt forord om folkehelten frå Rallkattlia. Teikningane er Dagfinn Bakkes originale.

Boka er ei redigert samling av Arntzens salssuksessar æ lyg ikkje, æ sei ikkje meir, Det svær æ på og æ gjer mæ ikkje, pluss eit nyskrive innleiingskapittel. Med ustyrleg glede presenterer han den nordnorske folkesjela gjennom eit sant mylder av personar henta rett ut frå eit mangfaldig og svært ufrisert kvardagsliv.

Samarbeidet mellom bildekunstnaren Kaare Espolin Johnson og forfattaren Arthur Arntzen har resultert i denne eineståande og spennande kunstboka, som presenterer 22 av arbeida til kunstnaren. Dei har begge ei djup og inderleg forståing for det nordnorske, og for livsvilkåra der, slik den eldre generasjonen lærte dei å kjenne. Men sjølv om bileta er frå Nord-Noreg, opplever vi ei heil verd gjennom Espolins kunst. For kampen om elementa gjeld i alle verdshjørne. Det er ikkje eit spørsmål om geografi. Til kvart bilete er det ein kort tekst av kunstnaren sjølv, der han fortel om bakgrunnen for biletet. Arntzen skriv små forteljingar inntil desse, der han formildar sine opplevingar av kunstverka.

Den store og endelege boka om bannskap, galskap og latskap. Arthur Olof Arntzen med nordnorsk forlkehumor så beisk, nyskapande og vittig som du aldri får har lest. Oppfølgjar til Æ lyg ikkje (1986) og Æ sei ikkje meir (1989).