Dette er boka som heile pop-Norge har venta på: ei nærmast fullstendig oversikt over Ragnar Hovlands platesamling. Frå dei første perlene frå Ønskekonserten via tysk post-punk til den klassiske hip hop-singelen «Double Trouble Remix».
Hovland avslører både god og dårleg smak, og viser såleis for ein gongs skyld menneske lege sider. Ikkje minst ved å innrømme at han har vore forelska i Barbra Streisand. Her er endeleg pophistoria slik den skulle ha vore skriven, og ingen har frå no av noka orsaking for ikkje å vite kven som til ei kvar tid spelte i John Mayall’s Bluesbreakers.
Dette er verdas mest subjektive popleksikon, i tillegg til ein musikalsk sjølvbiografi, og forfattaren tar ikkje imot kritikk, verken for eigne vurderingar eller for alle dei som ikkje kom med.
"Boken er særlig en guttebok for voksne herrer med sans for verdens viktigste spørsmål, f.eks. 'Kven spelte eigentleg munnspel på My Boy Lollipop'?."
"Skulle gjerne se den musikkinteresserte leser som ikke finner noe av interesse i denne entusiastiske, vidtfavnende og lattermilde boka"
"Jeg har truffet en del forfattere i mitt liv. Mange av dem hevder seg interessert i musikk, men er uten særlig peil, de er mest interessert i seg sjøl, og snakker som oftest deretter. Hovland har jeg aldri truffet, men skal man dømme etter denne boka, så har han faktisk grep om sin musikalske verden."
"Alvorlig eller ikke, rock ‘n’ roll kan aldri dø! I alle fall ikke så lenge det kommer ut bøker som dette."