Den første boka med Dikt for deg kom ut for ti år sidan, blei mykje brukt i skulen og fort utseld. I år har 25 norske diktarar, frå Arnljot Eggen til Ann Kavli, laga ei ny diktbok, som nok vil forsvinne like fort som den første. Her er både rim og regler og modernistiske tekstar, og her vil kvar lesar finne sine dikt. Inger Lise Belsvik har illustrert boka på ein sprelsk og oppfinnsam måte, både respektfullt og utfordrande overfor diktinga.