MARIA PARRS BØKER I EIT OPPLAG PÅ 70 000
Maria Parr, forfattaren bak barnebøkene Vaffelhjarte og Tonje Glimmerdal opplever stor internasjonal suksess. Debutboka Vaffelhjarte er seld til ni land, no nylig til Serbia og Japan.
Og bøkene sel bra, til dømes har
Vaffelhjarte selt til saman 32 000 i Nederland, Russland, Tyskland og Sverige. Legg ein til førsteopplaga av
Tonje Glimmerdal i utlandet og Samlagets samla opplag av dei to bøkene, er totalopplaget på Parrs bøker no på 70 000.
For andreboka
Tonje Glimmerdal vann Parr dei fleste prisane ei barnebok kan få i Noreg, inkludert Kritikarprisen og Brageprisen, og selde nest mest av alle nye, norske barnebøker i 2009.
Tonje Glimmerdal har nett starta å kome ut i utlandet. I Tyskland får ho strålande meldingar og vert samanlikna med Astrid Lindgren. I desember er Maria Parr invitert til den russiske bokmessa i samband med lanseringa av
Tonje Glimmerdal der. Parr vert lansert som ein bestseljande forfattar på den russiske markanaden.