T. Hellesen (f. 1973) frå Florø debuterer med ei sterk, ekspressiv og rytmisk diktsamling som i gjennom den poetiske handlinga utforskar språkets meiningsberande kraft: korleis kan ein språkleg kome i kontakt med eit "viretuelt" felt, staden der liv og dikting kanskje fell saman, men som likevel er umogleg å nå - utan ei endring, ei rørsle? Noko av deg lever andre stader er ei poetisk handling snarare enn ei hending.

det du er

vert aldri eg

så langt vekke var det

eg er ein av dei

kroppane du møter

tankar og kjensler

avgrensar

deg

og når det du vart

tørkar ut

ei bestemt mengd polaroidbilete

gulnar, slik også eg held ut

enno ei tid

(samanhengar I)