Røssland debuterte med ungdomsromanen Viss du vil i 1998. Dei neste to bøkene hennar, Kunsten å inhalera (2001) og Flyt (2002), handlar om den 16 år gamle Anette, og kom ut i samleutgåve i 2009. For si fjerde bok, Handgranateple (2006), blei Røssland tildelt både Sunnmørsprisen og UPrisen, og boka kom i 2008 på IBBY Honour List. I 2007 mottok Røssland Sigmund Skard-stipendet og Guro Sandsdalens litteraturpris.

Dei tre bøkene Englefjes (2008), Englejakt (2009) og Engleslakt (2010) utgjer til saman den populære trilogien om Engel Winge. Den rå journalistspira og bråkmakeren, som også er kjend som queen of fucking everything, har eiga nettside: http://www.engelwinge.no.

Ingelin Røssland har teaterutdanning frå Bergen Teaterskole og journalist- og dokumentarfilmutdanning frå Høgskulen i Volda. Ho begynte å arbeide som journalist i bladet Tysnes i 1995, og har seinare arbeidd for både Hardanger Folkeblad og Haugesunds Avis. Naturvitskap har alltid vore ei stor interesse, og forfattaren fekk leve ut sine nyfikne sider som journalist og producer i fjernsynsprogrammet Newton på NRK mellom 2003 og 2008.

Røssland bur i Stockholm.