Den viljen til språk som har prega arbeidet for nynorsk, har fått mykje å seie for norsk språk og kultur allment og for demokratisering av både samfunn og språk. Dette er den første samla framstillinga av den nynorsk kulturhistoria i éi bok av éin forfattar, gjennom 1500 år fram til dagens www og sms. Utgjevinga kjem same veke som Noregs Mållag feirar sitt hundreårsjubileum.

I ei faktaspekka og mangfaldig essaysamlinga er Ottar Grepstad på leiting etter det som gjer nynorsk til meir enn eit språk. Med overtydande og offensiv dokumentering syner han kva styrke som ligg i nynorskbrukarens identitetar innafor den språkkløyvde norske kulturen.

Ei altomfattande innføring i sakprosaens vesen og ei forteljing om viktige bøker i norsk sakprosahistorie - alt i same boka. Ingen har skrive ei slik bok før. Ikkje i Noreg, ikkje i noko anna land.Med eit sikkert grep om store mengder faglitteratur frå mange land, vandrar Ottar Grepstad mellom retorikk, historie, samfunnsfag og litteraturvitskap. Han ordnar og sorterer, presenterer og drøftar, og tenkejr nytt der tankagangar knapt finst. Her er talrike døme frå enkelttekstar og forfattarskapar, og spennande omtale av i alt 259 titlar.

Like sidan midten av 50-talet har Berge Furre vore eit skrivande og talande menneske. Boka er utgitt i samband med 60-årsdagen hans og presenterer eit fyldig utval av dei beste og viktigaste foredraga, artiklane, kronikkane og preikene hans. Svært lite har vore trykt i bokform før. Emna femnar vidt - frå Midtausten til målsak, frå kyrkje til sosialisme, frå EU til demokrati, frå norsk 1700-tal til verda kring år 2000. I ein artikkel som er nyskriven til denne boka, og som er prega av den aktuelle politiske situasjonen, gjer Berge Furre opp sitt bu. Boka har personregister.